🔴 America கணக்கீடுகள் தவறானதா? Iran ஏன் இத்தகைய Risk ஐ எடுக்கிறது? 🔴

 

 

நமது நாட்டில் பலர் உலக அரசியல் (Global Politics) குறித்த ஆர்வம் கொண்டுள்ளனர். குறிப்பாக Middle East பிராந்தியத்தில் நடைபெறும் மாற்றங்கள், நமது நாட்டின் பொருளாதாரத்தையும் நேரடியாக பாதிக்கும் சூழ்நிலையில், இந்த விவகாரம் குறித்து பேசுவது காலப்பொருத்தமானதாகும்.

இந்த கட்டுரை ஒரு சாதாரண Iran–America conflict பற்றிய பதிவு அல்ல. இது உலக சக்திவாய்ந்த நாடுகளின் Strategic Miscalculation மற்றும் அதன் மூலம் முழு உலகமும் எதிர்கொள்ள வேண்டிய Geopolitical Consequences குறித்து பகுப்பாய்வு செய்யும் ஒரு விமர்சன நோக்குக் கட்டுரையாகும்.

America இன் Strategic Miscalculation

எந்தவொரு யுத்தத்திலும் இரு தரப்பும் தங்களின் Victory Narrative-ஐ உலகிற்கு காட்ட முயல்கின்றன. ஆனால் சமீபத்திய Middle East நிலவரத்தை கவனித்தால், America எதிர்பார்த்ததற்குப் பூரணமாக மாறான நிலை உருவாகி வருவதை காண முடிகிறது.

America, Iran மீது கடுமையான Military Strike நடத்தியால், Iran பின்னடையும் என கணித்திருந்ததாக பல Defense Analysts குறிப்பிடுகின்றனர். ஆனால் நிகழ்ந்தது அதன் எதிர்மறை. Iran, America-வின் Regional Bases மற்றும் அதன் Allies மீது நேரடி Counter-Attacks தொடங்கியது. Iran இன் Resilience மற்றும் Strategic Depth முறையாக மதிப்பீடு செய்யப்படவில்லை என்பது இதன் மூலம் தெளிவாகப் புரிகிறது.

Diplomatic Window – தவறவிட்ட வாய்ப்பு

சில International Reports படி, February 27 2026அன்று Oman வழியாக Iran, Uranium “Reprocessing” செயல்முறையை நிறுத்தத் தயாராக இருப்பதாகவும், Nuclear Stockpile குறைப்பதற்கும் தயாராக இருப்பதாகவும் ஒரு Diplomatic Message அனுப்பியதாக கூறப்படுகிறது.

இது மிகப் பெரிய Concession ஆக இருந்திருக்கலாம். ஆனால் அதனை விட Military Escalation தேர்வு செய்யப்பட்டதாக விமர்சகர்கள் சுட்டிக்காட்டுகின்றனர். இதனால் America-வின் நோக்கம் Regime Change ஆக இருந்ததா என்ற கேள்வி எழுகிறது.

Military Technology vs Asymmetric Warfare

இன்றைய யுத்தங்களில் Advanced Technology மட்டுமல்ல, Cost Efficiency மற்றும் Resource Sustainability முக்கிய பங்கு வகிக்கின்றன. America பயன்படுத்தும் Patriot (MIM-104) Missile System மிக உயர்ந்த தொழில்நுட்பம் கொண்டது.ஆனால் Iran பயன்படுத்தும் Shahed-136 Drone ஒரு Low-Cost System (சுமார் $20,000).ஒரு Patriot Missile விலை $2 Million க்கும் மேல்.

Iran ஒரே நேரத்தில் நூற்றுக்கணக்கான Drone மற்றும் Missile Launch செய்தால், Radar Systems மற்றும் Defense Algorithms மீது மிகுந்த அழுத்தம் உருவாகும். இதை Defense Strategy-யில் “The Swarm Effect” என குறிப்பிடுகின்றனர். இது ஒரு Economic Attrition Model ஆக மாறுகிறது. அதாவது குறைந்த செலவில் அதிக அழுத்தம் ஏற்படுத்தும் Warfare Pattern.

Hormuz Strait மற்றும் Energy Geopolitics

உலகின் தினசரி Oil Supply-யில் 20% க்கும் மேல் Hormuz Strait வழியாக கடந்து செல்கிறது. இந்த முக்கிய Maritime Route பாதிக்கப்பட்டால்:

• Global Oil Prices உயர்வு

• Supply Chain Disruption

• Developing Economies மீது கடுமையான Inflationary Pressure

Sri Lanka போன்ற Import-Dependent நாடுகளுக்கு இது நேரடி பொருளாதார அதிர்ச்சியை ஏற்படுத்தக்கூடும். இதுவே Energy Geopolitics எனப்படும் துறையின் மையக் கருத்தாகும்.

Cultural Dimension – Martyrdom Narrative

Military Analysis மட்டும் போதுமானதல்ல. Cultural Psychology மிக முக்கியமானது. Iran சமூகத்தில் காணப்படும் Martyrdom Culture மற்றும் Religious Mobilisation போன்ற அம்சங்கள், வெளிநாட்டு அழுத்தத்தை எதிர்கொள்ள Internal Unity உருவாக்குகின்றன.

Leadership Targeting மூலம் மக்கள் கிளர்ச்சி ஏற்படும் என America கணித்திருந்தால், அது Cultural Misreading ஆக இருக்கலாம். பல நேரங்களில் வெளிப்புற அச்சுறுத்தல் Internal Consolidation-ஐ வலுப்படுத்துகிறது.

Logistical Constraints மற்றும் Resource Management

ஒரு High-Intensity War நீண்டகாலம் தொடர வேண்டுமெனில்:

• Continuous Ammunition Production

• Rare Earth Elements Supply

• Long-Distance Logistics (C-17 Globemaster, C-5 Galaxy போன்ற Aircraft மூலம்)

இவை அனைத்தும் Sustainability மீது சார்ந்தவை.

Iran தனது Military Infrastructure-ஐ Underground Facilities ஆக அமைத்துள்ளதாக கூறப்படுகிறது. இதனால் Conventional Air Strikes மூலம் முழுமையான Neutralisation சாத்தியமற்றதாக இருக்கலாம்.

Hypersonic Threat மற்றும் Defense Limitations

Hypersonic Missiles (Sound Speed-ஐ விட பல மடங்கு வேகத்தில் பயணிக்கும்) பயன்படுத்தப்பட்டால், தற்போதைய Defense Systems க்கு Response Window மிகக் குறைவு.

Iron Dome மற்றும் Arrow Systems உலகின் முன்னணி Defense Systems என்றாலும், Reload Rate மற்றும் Interception Capacity மீது வரம்புகள் உள்ளன.

Environmental Consequences

Oil Refineries மற்றும் Storage Facilities தாக்கப்பட்டால்:

• Marine Pollution

• Carbon Emissions அதிகரிப்பு

• Global Climate Impact

அதனால் இது purely Military Conflict அல்ல; Environmental Crisis ஆகவும் மாறக்கூடும்.

America இந்த Conflict-ஐ Quick Operation என கருதியிருந்தாலும், அது Long-Term Strategic Trap ஆக மாறும் அபாயம் இருப்பதாக சில ஆய்வாளர்கள் கருதுகின்றனர்.

இந்த Conflict நீடித்தால்:

• Global Oil Price Surge

• Economic Instability

• Multipolar World Order மாற்றம்

என பல பரிமாணங்களில் தாக்கங்கள் வெளிப்படும்.

பாரிய தரவு (Big data)

பாரிய தரவு அறிமுகம்

இப்போது பெரும்பாலான நிறுவனங்கள் கணினி மயப்படுத்தப்பட்டு விட்டன. காலம் செல்ல செல்ல அவற்றின் தரவுகளும் அதிகரித்தே செல்கின்றன. இது தரவுகளின் தொடை (Set of Data) ஆகும். இது மிகவும் பாரியதாகவும் சிக்கலானதாகவும் காணப்படும். சாதாரணமாக நாம் தரவுகளை நிர்வகிக்க பயன்படுத்தும் Excel , Access போன்ற மென்பொருட்களால் இவற்றை கையாளுவது என்பது சாத்தியம் அற்றது.

இவற்றை மேற்கொள்ள பாரிய நினைவகம் கொண்ட கணினிகள் தேவைப்படும்.

உதாரணமாக நாம் Amazon ebay போன்ற தளங்களில் இருந்து பொருட்களை வாங்குகிறோம். அவ்வாறு நாம் தேடும் பொருட்களை கொண்டு எமது விருப்பு வெறுப்புகளை அறிந்து அடுத்த தடவை கொள்வனவு செய்யும் போது பரிந்துரைப்பதற்காக தரவுகளை சேமித்து முறைவழியாக்கி பரிந்துரைகளாக தருகிறது. இது இயந்திர கற்றல்(machine learning) மூலம் பெறப்படுகிறது. இவை எல்லாவற்றினதும் அடிப்படையில் அமைவதே செயற்கை நுண்ணறிவு(Artificial Intelligence) இவை எல்லாமே பாரிய தரவின் பிரயோகங்களே.

உதாரணமாக Quora வை எடுத்துக்கொண்டால் ஒருவர் இந்த பதிவை ஆதரவு வாக்களித்தார் , தலைப்புக்கான பரிந்துரைகள் , ஓட்டத்தில் வரும் பதில்களுக்கான பரிந்துரைகள் போன்றன எல்லாமே இதன் பிரயோகமே. இவை எல்லாம் ஒரு பயனரின் செயல்பாடுகளை அடிப்படையாக கொண்டு பெறப்பட்டு எமக்கு தரப்படுகின்றன.

இந்த பாரிய தரவு என்பதின் பொதுவான அம்சங்கள்.

• வேகம் (Velocity)
• கொள்ளளவு (Volume)
• மாறும் இயல்பு (Variability)
• பல்வேறு வகையானது (Variety)(கட்டமைக்கப்பட்ட தரவு,கட்டமைக்கப்படாத தரவு Structured and un structured data )
• உண்மைத்தன்மை (Veracity)
• பெறுமதி (Value)

பெருந்தரவுகள் எவ்வாறு எங்கிருந்து பெறப்படுகின்றன ?

• சமூக வலைத்தள செயற்பாடுகள் (Social media activity)
• உங்களுக்கு கிடைக்கும் மின்னஞ்சல்கள்
• நிகழ்நிலை சந்தைப்படுத்தல் ஆய்வு(online marketing analysis)

சேமிக்கும் விடயங்கள்

• பெயர் வயது ஊர் மின்னஞ்சல் முகவரி
• அவரின் மனநிலை
• வலைத்தளங்களில் ஒருவரின் பதிவுகள் மற்றும் அவரின் கருத்துகள்
• இணையத்தில் தேடிய விபரங்கள்.
• கொள்வனவு செய்த பொருட்கள்

இப்படியான தரவுகளை எல்லாம் சேமித்து வைத்து தரம் பிரித்து அவற்றில் இருந்து அவசியமான தரவுகளை பிரித்தெடுத்து முறைவழியாக்கி பயனருக்கு சமர்ப்பிப்பது போன்ற முக்கியமான வேலைகளை எல்லாம் இந்த பாரிய தரவு மேற்கொள்கிறது.

இவை எல்லாவற்றையும் மேற்கொள்ள ஒரு பாரிய தொழினுட்பம் தேவைப்படும். இவற்றை எல்லாம் மேற்கொள்ள சில நிறுவனங்கள் திறந்த மூல மென்பொருள்களை உருவாக்கி வெளியிடுகின்றன

அவையாவன :

• Hadoop
• Spark
• Druid
• ELK

இதன் அனுகூலங்கள்

• சிறந்த முடிவெடுப்பது
• நிறுவன உற்பத்தி திறனை அதிகரித்தல் (increase productivity)
• வீண் செலவுகளை குறைத்தல்
• வாடிக்கையாளர் சேவைகளை மேம்படுத்தல்
• வருமான அதிகரிப்பு, சந்தைப்படுத்தலுக்கு உதவுதல்

இதன் பிரதிகூலங்கள்

• பாரியளவு தரவை சேமிக்க அதிக கொள்ளளவு தேவைப்படும்.
• பாதுகாப்பு பிரச்சினைகள்
• தொடர்ச்சியாக மாறிக்கொண்டிருப்பதால் தொடர்ச்சியாக செயற்படுத்த வேண்டி இருக்கும்.
• தொழிநுட்ப செலவுகள் அதிகரிக்கும்.
• திறமை உள்ள நபர்களின் தேவைப்பாடு அதிகரித்தல்.

Torrent வலைத்தளங்கள் எவ்வாறு இயங்குகின்றன?

---

இதற்கு முதலில் தெரிந்திருக்க வேண்டியது,

• சேவை பயனர் Client Server
• Peer to Peer

போன்ற வலையமைப்பு மாதிரியங்கள்(Network models) ஆகும்.

---

சேவை பயனர் (Client Server )

ஒரு கோப்பு (File) ஓன்று ஒரேயொரு சேவையகத்தில் (Server) இல் இருக்கும். அந்த கோப்பு (File) தேவைப்படுபவர்கள் அந்த சேவையகத்தில் (Server) உடன் வேண்டுதல்(request) செய்து அந்த கோப்பை பதிவிறக்கம் செய்யலாம்.

ஆனால் குறைவான நபர்கள் பதிவிறக்கம்(Download) செய்யும் போது சேவையகத்தில் பாதிப்புகள் ஏற்படாது அதுவே அதே சேவையகத்தில் இருந்து பலர் ஒரே நேரத்தில் பதிவிறக்கும் போது அதன் பட்டை அகலத்தில்(Band Width) தாக்கம் ஏற்படும். சேவையகம் அதிக Load ஆக இருக்கும். அத்துடன் பதிவிறக்கும் போது வேகம் குறைவாக இருக்கும்.

---

Peer to Peer

ஒரு பரீட்சையில் ஒவ்வொரு பாடத்தையும் ஒவ்வொரு மாணவர்கள் படித்திருப்பார்கள். ஒவ்வொருவரும் படித்த பாடங்களை ஒரு தாளில்(Paper) குறித்து வைத்திருப்பார்கள்.(அது தானுங்க Bit paper)

உதாரணமாக :

1. Python - கண்ணம்மா
2. PHP - பொன்னம்மா
3. SQL - சின்னம்மா

மாதிரி.

ஒரு விடை தேவையான ஒருவர் ஒரு கேள்வி எந்த பாடத்துடன் தொடர்பானது என்று கண்டுபிடித்து, அந்த பாடத்தை படித்த அந்த மாணவனிடம் அந்த கேள்விக்கான பதிலை வேண்டுவார் (Answer request). அப்போது ஒவ்வொருவரும் தமது பதிலை பகிர்ந்து கொள்வார்கள். அப்போது ஒருவருக்கும் சுமைதாக்காது(Load). வேகமாகவும் இருக்கும்.

---

கேள்விக்கு வரலாம். இந்த Torrent எப்படி இயங்குகிறது?

• Peer to Peer முறையை பயன்படுத்தும்

---

• முதலில் Torrent இல் ஒரு கோப்பை இணைக்கும் போது அது சின்ன சின்ன துண்டுகளாக(Pieces) பிரிக்கப்பட்டு Server இல் சேர்த்து வைக்கப்படிருக்கும்.
• Torrent வலைப்பக்கத்தில் இருந்து பதிவிறக்கும் போது .torrent என்ற கோப்பு நீட்சியோடு(File extension) ஒரு கோப்பு பதிவிறக்கப்படும். அது தான் மேலே சொன்ன Bit Paper. அதாவது எந்த file எங்கு இருக்கிறது, அதன் Link என்பன சொல்லப்பட்டிருக்கும்.
• அதே போல ஒரே ஒழுங்கில்(Sequential) தான் பதிவிறக்க வேண்டும் என்ற அவசியமும் இல்லை. எழுந்த மாறான ஒழுங்கிலும்(Random) பதிவிறக்கம் செய்யலாம்.அந்த நேரம் எந்த கோப்பு கிடைக்கிறதோ அது பதிவிறக்கப்படும். அதற்கு ஏற்றபடி பதிவிறக்க வேகம் மாறும்.
• இந்த யாரிடம் எந்த கோப்பு இருக்கும், யாருக்கு பதில் கோரிக்கையை அனுப்ப வேண்டும்,கடைசியாக எல்லாவற்றையும் ஒழுங்க்காக்கி தருதல் என்பதை எல்லாம் செய்வது தான் இந்த μTorrent போன்ற Torrent Tracking Software களின் வேலை.

உதாரணமாக,

• Server இல் இருந்து கனகம்மா என்ற ஒருவருக்கு 100 துண்டுகள் போகும். பொன்னம்மாவுக்கு 100 அல்லது 101 துண்டுகள் போகும். இப்படி நிறைய பேருக்கு போயிருக்கும்.
• பொன்னம்மாவிடம் இல்லாத துண்டுகள் கனகம்மாவிடம் இருந்தால் பொன்னம்மா கனகம்மாவிடம் இருந்து பெறுவார். இதில் கனகம்மா Seeds எனப்படுவார். அதாவது இல்லாததை கொடுப்பார்.
• இதில் பொன்னம்மா Peer எனப்படுவார். அதாவது பெறுபவர்.
• பதிவிறக்கிக்கொண்டு இருக்கும் அதே நேரத்தில் வேறு துண்டுகளை கொடுத்துக் கொண்டு இருப்பவர் Leachers எனப்படுவர்.
• இப்படியே கனகம்மாவும் இல்லாத துண்டுகளை பெறுவார். இப்படி நிறைய பேர் தன்னிடம் இல்லாத துண்டுகளை வேண்டிக்கொண்டும் இருப்பதை கொடுத்துக்கொண்டும் இருப்பார்கள்.
• ஒவ்வொரு பதிவிறக்கிய துண்டுக்கும் Server இன் Link-இணைப்பு ஒன்று இருக்கும். இதை வைத்து தான் அந்த Torrent file மூலமாக யாரிடம் அந்த துண்டுகள் இருக்கிறது என்று கண்டுபிடித்து இணைப்புகளை ஏற்படுத்தி நாம் பதிவிறக்கம் செய்து கொண்டிருப்போம்.

இதில்

• சின்னையா என்று ஒருவர் புதிதாக பதிவிறக்க போகிறார் அவருக்கு Server இல் இருந்து 50 அல்லது எத்தனை துண்டுகளும் கிடைக்கலாம். அதோடு மேலே சொன்ன கனகம்மா,பொன்னம்மா என்போரிடம் இருந்து சின்னையாவிடம் இல்லாத துண்டுகள் கிடைக்கும். இப்படி நிறைய பேரிடம் இருந்து கிடைக்கும்.

இப்படி தான் இந்த Torrent வேலை செய்கிறது.

---

கீழே உள்ள பதிவிறங்கி கொண்டிருக்கும் படத்தை வைத்து உதாரணம்

மேலே படத்தில் குறிக்கப்பட்ட எண்களை வைத்து பார்க்கவும்.

1. கோப்பின் மொத்த அளவு.
2. பதிவிறக்கும் வேகம்.
3. பதிவிறக்கும் வேகம் மேலே 2 இல் உள்ளது போல
4. இன்னொருவருக்கு பதிவேற்றும் / அடுத்த துண்டுக்கு வேண்டுதல் அனுப்புவதற்கான வேகம்.
5. துண்டுகளை கொடுப்பவர்
6. துண்டுகளை பெறுபவர்
7. துண்டுகளின் எண்ணிக்கை

---

Torrent - என்ன நன்மைகள்???

1. வேகம்,அகல பட்டை(Bandwidth) பிரச்சினை இல்லை
2. Server Load ஆகாது. ஒரே Server இல் கோப்பை சேமித்து வைத்து கோடிக் கணக்கான பேருக்கு வழங்கலாம். அதனால் Server செலவு குறைவு.

---

Torrent - என்ன தீமைகள் ???

1. தருபவர்களின் (Seeds) எண்ணிக்கை குறைய வேகம் குறையலாம்.
2. Torrent File உடன் சேர்ந்து Malware ஏதாவது வருவதற்கான சாத்தியங்கள் உண்டு.

---

Torrent பதிவிறக்கும் போது VPN அவசியமா???

• சட்டரீதியான உள்ளடக்கங்களை பதிவிறக்கும் போது அவசியமில்லை.
• திரைப்படங்கள் மற்றும் வேறு Copyright உள்ளடக்கங்களை சட்டரீதியற்ற முறையில் பதிவிறக்கும் போது ISP- Internet Service Provider களின் பார்வையில் இருந்து தப்பிக்க VPN அவசியம். ஓசி VPN ஐ பயன்படுத்தும் போது ஒரு நாட்டின் அரசாங்கத்தால் பதிவிறக்கியோரின் தகவல்கள் கேட்கப்படும் பொது VPN நிறுவனம் தகவல் வழங்க கூடிய சாத்தியங்கள் உண்டு.
• அதனால் பணம் கொடுத்து VPN கொள்வனவு செய்து பயன்படுத்தும் போது ஓரளவு பாதுகாப்பாக இருக்கலாம்.

பொறுப்பு துறப்பு : சட்ட ரீதியற்ற உள்ளடக்கங்களை VPN மூலம் பதிவிறக்குவது இங்கு ஊக்குவிக்கப்படவில்லை. இப்படி செய்யலாம் என்று ஒரு தகவல் மாத்திரமே வழங்கப்பட்டது. இதன் மூலம் ஏற்படும் எந்த இழப்புக்கும் கம்பனி பொறுப்பேற்காது.

---

Client Server முறை தீமைகள் ( சாதாரணமாக நாம் பதிவிறக்கம் செய்யும் முறை )

1. Server Load ஆகும்.
2. நிறைய பேர் பதிவிறக்கும் போது Bandwidth குறையும். அதாவது ஒரு நேரத்தில் வீதியில் ஒரு வாகனம் செல்வதும் ஒரே நேரத்தில் 100 வாகனம் செல்வதும் போல.
3. அப்படி வேகம் குறைந்து பதிவிறக்க முடியாவிட்டால் இன்னொரு Server இல் அந்த கோப்பை சேமித்து வைக்க வேண்டி ஏற்படுவதால் Server செலவு அதிகரிக்கும்

---

சட்டவிரோதமானதா ???

இல்லை. சட்டவிரோதமான உள்ளடக்கங்களை(Content) களை பதிவிறக்கும் போது மட்டும் சட்டவிரோதமானது. இதை தவிர்த்து பல வழங்குனர்கள் சட்டரீதியாகவே பதிவிறக்கும் வசதியை வழங்குகிறார்கள்

(இதில் உள்ள வலை பக்கத்தில் உள்ள வழங்குனர்கள் 10 Best Websites For Legal Torrents And Safe Download | 2019 Edition) 

DOMAIN பெயர் என்றால் என்ன?

டொமைன் பெயர்(ஆள்களப் பெயர்) என்றால் என்ன?நீங்கள் முகப்புத்தக பக்கத்திற்கு செல்வதற்கான IP முகவரி 2a03:2880:f10c:283:face:b00c:0:25de ஆகும். இதனை நீங்கள் ஞாபகம் வைத்திருக்க கடினமாக இருக்கும். அதை ஞாபகம் வைத்திருப்பதை இலகுவாக்கவே தனித்துவமான டொமைன் பெயர் உருவாக்கப்பட்டது. அதாவது ஒருவரின் தொலைபேசி எண்ணை ஞாபகம் வைத்திருப்பதிலும் பார்க்க அவரின் பெயர் மூலம் தொலைபேசி எண்ணை சேமித்து ஞாபகம் வைத்திருப்பது இலகுவானது.

அதற்கு நாம் ஏன் பணம் செலுத்த வேண்டும்?நீங்கள் அவற்றை உங்களுக்கென சொந்தமாக வாங்கவில்லை.அதனை வாடகைக்கு எடுத்துள்ளீர்கள்.அதனால் தான் பணம் செலுத்த வேண்டும் .பணம் கட்டாது விட்டுப்பாருங்கள் சில தவணைகளுக்கு பிறகு உங்கள் டொமைன் பெயரினை விற்று விடுவார்கள்.

இந்த டொமைன் பெயர் தொடர்பான பிரிவினர்கள் தொடர்பான பாதையை நான்கு வகையாக பிரிக்க முடியும் அதாவது ,

• பதிவகம்(Registry) : .Com .net .org .info போன்ற TLD(Top Level Domain) களின் அனைத்து பதிவுகளையும் பராமரிக்கும் நிறுவனங்கள் பதிவகம் ஆகும். பதிவகமாக வர ICANN இடமிருந்து அனுமதி பெற வேண்டும். உதாரணமாக : Verisign .com இணை கட்டுப்படுத்தும்

• பதிவாளர்(Registrar) : இவர்களிடம் இருந்தே நாம் டொமைன் பெயரினை வாடகைக்கு பெறுகிறோம் உதாரணமாக : WIX,Godaddy,Weebly

• பதிவு செய்பவர் (Registrant) : டொமைன் பெயரினை வாடகைக்கு பெற்று கொள்ளும் நீங்கள்,நான்,நிறுவனங்கள்

• ICANN : இது அனைத்து தகவல்களையும் செயல்முறைகளையும் நிர்வகிப்பதற்கும் ஒழுங்குமுறையாக செயற்படுத்துவதற்கும் பொறுப்பான ஒரு சபை ஆகும்.பதிவகத்திற்கு அனுமதியை வழங்கும்.

நீங்கள் செலுத்தும் பணத்தின் பெருந்தொகை பதிவாளருக்கும் ஒரு சிறிய அளவு தொகை பதிவகத்திற்கும் ICANN இற்கும் செலுத்தப்படும்.

ஒரு வலைப்பக்கத்தை நடாத்தி செல்வதற்கு Domain name, hosting இரண்டுமே அவசியம். Domain name, hosting இரண்டையும் ஒரே நிறுவனத்திலேய வாங்க முடியும். அவ்வாறு அல்லாதபோது அதாவது நீங்கள் ஒரு நிறுவனத்தில் டொமைன் பெயரையும் இன்னொரு நிறுவனத்தில் சேமிப்பதற்கான சேவையகத்தையும் வாங்கும் போது நீங்கள் உங்கள் டொமைன் பெயர் அமைப்பில் வலை சேவையகத்தின் தகவல்களை வழங்க வேண்டும்.ஒரே நிறுவனத்தில் வாங்கினால் இந்த பிரச்சினைகள் உருவாகாது.

உங்கள் டொமைனை நீங்கள் பதிவுசெய்யும்போது, நீங்கள் ஒரு DNS (Domain Name System) உடன் பதிவு செய்கிறீர்கள். DNS என்பது வலை சேவையகங்களின் ஐபி முகவரிகளை அவற்றின் தொடர்புடைய டொமைன் பெயர்களுடன் இணைக்கும் ஒரு தரவுத்தளமாகும். இது டொமைன் பெயர் வாங்கும் கம்பனியால் நிர்வகிக்கப்படும்.

உங்கள் உலாவிக்குச் சென்று ஒரு டொமைன் பெயரைத் தட்டச்சு செய்யும் போது(உதாரணம்:www.facebook.com) , அந்த வேண்டுதல் பதிவகத்திற்கு(Registry) செல்வதுடன், இந்த டொமைன் பெயர் எந்த கம்பனியிடம் இருந்து கொள்வனவு செய்யப்பட்டு உள்ளது என்பதை கண்டு பிடித்து அந்த கம்பனியின் DNS உடன் இணைக்கும்.
டொமைன் பெயர் கம்பனி அனைத்து பதிவுகளிலும் www.facebook.com இற்கு பொருத்தமான பதிவு உள்ளதா என DNS தேடுகிறது. அந்த பதிவு கிடைத்தவுடன் அந்த டொமைன் பெயரை சேவையகத்தின் ஐபி முகவரியுடன் இணைக்கிறது. இறுதி முடிவு ? சேவையகம் ஒரு வலைப்பக்கத்தை உங்கள் உலாவிக்கு ஒரு நொடிக்குள் திருப்பித் தருகிறது.
 படத்தை பார்ப்பதன் மூலம் மேலதிக விளக்கத்தை பெற்று கொள்ளவும்.

http://www.quora.com இனை உதாரணமாக வைத்துக்கொண்டு பார்க்கலாம்.

Quora இல் டொமைன் பெயரும் வலை சேவையகமும் தனித்தனியே வாங்கப்பட்டு உள்ளது எனவும் Quora வலை சேவையகம் Fastly எனும் அமெரிக்க வலை சேவையகம் என கொண்டு பார்க்கலாம்,

இப்போது டொமைன் பெயர் வாங்கிய கம்பனியை A என கொள்வோம்.இப்போது Fastly வலை சேவையகத்தால் தரப்பட்ட தகவல்களை Quora தனது A இன் அமைப்பில் (settings) வழங்க வேண்டும்.
Fastly எனும் வலை சேவையகத்தில் பல இணையப்பக்கங்களுக்கான கோப்புகள் இருக்கலாம்.அதனால் Fastly கம்பனி இது Quora இனுடையது என்பதை இனங்கான Quoraஇற்கான கோப்பை http://fastly.quora.com என உருவாக்கும்.இவ்வாறே ஏனைய வலைப்பக்கங்களின் பெயருடன் கோப்பினை Fastly கம்பனி உருவாக்கும்.

நீங்கள் http://www.quora.com என உங்கள் உலாவியில் தட்டச்சிடும் போது உங்கள் உலாவிக்கு எது Quora ? Quora இன் IP முகவரி என்ன என்று எதுவும் தெரியாது.இவை எல்லாம் A கம்பனியின் (டொமைன் பெயர் கம்பனியின்) DNS சேவையகத்தில் சேமித்து வைக்கப்பட்டு இருக்கும். DNS இற்கு வேண்டுதல் அனுப்பப்பட்டு IP முகவரியை கண்டுபிடித்து டொமைன் பெயரை Fastly வலை சேவையகத்திற்கு வழிநடத்தும் சேவைக்காக நீங்கள் அவர்களுக்கு பணம் செலுத்துகிறீர்கள். fastly.quora.com என தட்டச்சிட்டாலும் நீங்கள் Quora இன் முகப்பு பக்கத்தை அடைய முடியும்.

டொமைன் பெயர் கம்பனி பார்வையாளர்களை சரியான சேவையகத்திற்கு சுட்டிக்காட்ட வேண்டும். டொமைன் பெயர் DNS சேவையகத்தில் இல்லையென்றால் உங்கள் வலைத்தளத்தை யாரும் அடைய முடியாது. இந்த நிறுவனங்கள் டொமைன் பெயர்களை இலவசமாகக் கொடுத்தால், அவர்கள் தங்கள் பெயர் சேவையகங்களை(Server) எவ்வாறு இயக்க முடியும்?

இந்த அனைத்து செயற்பாடுகளும் நீங்கள் http://www.quora.com என தட்டச்சிட்டு காத்திருக்கும் அந்த நொடியில் பின்புலத்தில் மிக வேகமாக இடம்பெறும்.

அந்த சேவையகங்களை பராமரித்தல் , பார்வையாளர்களுக்கு வழிப்படுத்தலுக்கே உங்களிடம் இருந்து கட்டணங்கள் அறவிடப்படுகின்றன.

சில பதிவாளர்கள் இலவசமாக தருகின்றனர்.இது அவர்களின் டொமைன் பெயரின் ஒரு பாகமாக இருக்கும் உதாரணமாக
 www.quora.wordpress.com
 www.quora.weebly.com
 www.quora.blogspot.com
 http://www.quora.board.com என்றவாறு இருக்கும்.இது Sub domain எனப்படும்.

Google add

Add Code Converter

ADD CODE CONVERTER

வணக்கம் நண்பர்களே.. பிளாக்கர் தளம் மூலம் கணிசமான பணம் சம்பாதிக்க முடியும். பிளாக்கர் வலைப்பூக்களில் Google போன்ற விளம்பர நிறுவனங்கள் கொடுக்கும் நிரல்வரிகளை உங்கள் வலைத்தளங்களில் பயன்படுத்துவதன் மூலம் அது சாத்தியமாகிறது.

தொடர்ச்சியாக உங்ளுடைய தளத்தை நிறையபேர் படிக்கும்போது தளமானது பிரபலமடையும். அவ்வாறு பிரபலமான தளத்திற்கு google adsense, chitka, AdSense, Text Link Ads, AdBrite, LinkWorth, Amazon போன்ற நிறுவனங்கள் வலைத்தளங்களுக்கான ஆட்சென்ஸ் (விளம்பரங்கள்) தருகிறது.

உங்கள் தளம் அவர்கள் குறிப்பிட்ட AdSense program policies களுக்கு உட்பட்டு இருப்பின் உங்களுக்கு ஆட்சென்ஸ் அப்ரூவல் உடனடியாக கிடைக்கும். பிறகு உங்கள் தளத்தில் காட்டுவதற்கான விளம்பர நிரல்கள் அத்தளத்தில் கிடைக்கும்.

அவ்வாறு பெற்ற ஆட்சென்ஸ் கோட் (Adsense code) பெரும்பாலும் JAVA SCRIPT அடிப்படையாகக் கொண்டிருக்கும். நேரடியாக அந்த நிரல்வரிகளை பிளாக்கர் டெம்ப்ளேட்டின் நிரல்வரிகளுடன் இணைக்கும் போது அவை வேலை செய்யாது. தனியாக ஒரு விட்ஜெட்டாக வைக்கும்பொழுது அவைகள் பிளாக்கர் தளங்களில் டிஸ்பிளே ஆகும்.

பிளாக்கர் பதிவிற்கு மேலும் கீழும் விளம்பரங்களை வைக்க வேண்டுமெனில் கண்டிப்பாக அந்த நிரல்வரிகளை Encode செய்ய வேண்டும். பிளாக்கரில் உள்ள நிரல் வரிகளானது XML அடிப்படையில் இயங்க கூடியது. எனவே அதில் பயன்படுத்தப்படும் HTML Tag களை encode செய்த பிறகு பயன்படுத்தினால், விளம்பர நிரல்கள் நன்றாக தொழிற்படும்.


அந்த வகையில் உங்கள் விளம்பர நிரல்வரிகளை பிளாக்கருக்கு ஏற்றவாறு கன்வர்ட் செய்ய சில இணையதளங்கள் உள்ளன. இந்த தளத்திற்கு சென்று http://www.eblogtemplates.com/blogger-ad-code-converter/ அதிலுள்ள பெட்டியில் உங்கள் விளம்பர கோடிங்குகளை கொடுத்து பிளாக்கருக்கு ஏற்ற வகையில் மாற்றிக்கொள்ளலாம்.

அதாவது encode செய்துகொள்ளலாம். பிறகு மாற்றப்பட்ட நிரல்வரிகளை உங்கள் பிளாக்கரின் வார்ப்புருவில் வேண்டிய இடத்தில் சேர்த்து விடுங்கள். இப்போது உங்கள் விளம்பரங்கள் தளத்தில் அருமையாக காட்சியளிக்கும்.

கீழுள்ள இணைப்பை அழுத்தி, உங்களுடைய கூகிள் ADD Code - ஐ Encode செய்துகொள்ளலாம்.

UPDATE:  ஆட்கோட் கன்வர்டர்

Encoding என்ற உடனேயே இந்த தளமும் நினைவுக்கு வருகிறது. நான் அடிக்கடி பயன்படுத்தும் தளமும் கூட.. www.centricle.com  ADD Code Converter என்ற தளத்தில் tools என்ற ஆப்சனைக் கிளிக் செய்து தோன்றும் பெட்டியில் உங்கள் விளம்பர நிரல்வரிகளைக் கொடுத்து encode, decode செய்து கொள்ளமுடியும்.

இந்த தளத்தில் நேரடியாக உங்கள் விளம்பர கோடிங்கை convert செய்ய இந்த இணைப்பில் செல்லவும்.

இந்த இணைப்பில் சென்று அங்குள்ள முதல் பெட்டியில் நிரல்வரிகளை உள்ளிட்டால் தானாகவே உங்களுக்கு encode செய்யப்பட்ட நிரல்கள் கீழுள்ள பெட்டியில் கிடைக்கும்.

நீங்கள் கூகுள் ஆட்சென்ஸ் போன்றவைகளைப் பயன்படுத்தினாலும் இந்த மாற்றங்கள் AdSense program policies க்கு எதிரானது அல்ல. அதாவது இதனால் ஆட்சென்ஸ் கணக்கு முடக்கப்படுமோ என்று அச்சப்படத் தேவையில்லை.

Xml blogger -க்கு ஏற்றவகையில் adsense code-ஐ அதற்குத் தகுந்தவாறு மாற்றுகிறோம்.. அவ்வளவே.. இதையே தளத்தில் page source சென்று உறுதிப்படுத்திக் கொள்ளலாம். Page Source -ல் விளம்பர நிறுவனம் அளித்த ஒரிஜினல் விளம்பர நிரல்வரிகள் எந்த மாற்றமும் இல்லாமல் அப்படியே காட்டும்.

இவ்வாறு encoding செய்யும் போது HTML ஸ்பெஷல் கேரக்டர்கள் <, >, & போன்றவை <, >, & இவ்வாறு மாற்றப்படுகிறது. அவ்வளவே..!!!!

இனி உங்களுக்கு கொடுக்கப்பட்ட விளம்பர நிரல்வரிகளை உங்கள் தளம், வலைப்பூவில் உள்ளிட்டு, கணிசமான பணம் சம்பாதியுங்கள்...

ADD Code Converter

கம்ப்யூட்டர் Operating System பணிகள்

ஆபரேட்டிங் சிஸ்டம் - பணிகள் மற்றும் முக்கியத்துவம்

(கம்ப்யூட்டருக்கு புதியவர்களுக்கான பதிவு)

கம்ப்யூட்டரின் உயிர் போன்றது ஆபரேட்டிங் சிஸ்டம். இது இருந்தால்தான் கம்ப்யூட்டர் இயங்கும். இதை தமிழில் இயங்குதளம் என கூறுவார்கள். ஆங்கிலத்தில் சுருக்கமாக OS என குறிப்பிடுவர். 

இயங்குதளங்களில் ஒரு சில வகை உண்டு. உதாரணமாக விண்டோஸ், லினஸ்க், உபுண்டு போன்றவற்றை குறிப்பிடலாம். 

கம்ப்யூட்டர் - ஆபரேட்டிங் சிஸ்டம் இரண்டுமே ஒன்றை ஒன்று சார்ந்துள்ள ஒரு விடயம் ஆகும். மனித உடலும் உயிரும் ஒன்றை ஒன்று சார்ந்துள்ளது போலதான் கம்ப்யூட்டர் - இயங்குதளம் உறவு.

கம்ப்யூட்டர் பாகங்கள் உயிர் பெற்று இயங்குவதற்கு கண்டிப்பாக Operating System அவசியம். இது இல்லையென்றால் கம்ப்யூட்டர் நிச்சயமாக இயங்காது. Operating System கம்ப்யூட்டரில் உள்ள புரோகிராமங்களை இயக்கச் செய்து, ஒழுங்குபடுத்துகிறது. 

ஆபரேட்டிங் சிஸ்டம் - முக்கிய பணிகள்

ஆபரேட்டிங் சிஸ்டத்தை ஒரு அற்புதமான நிர்வாகி என கூறலாம். கம்ப்யூட்டரில் மேற்கொள்ளப்படும் பணிகளை அற்புதமாக நிர்வகிக்கும் வேலையை இது செய்கிறது. கம்ப்யூட்டரில் உள்ள Hardware களை நிர்வகிப்பதும் ஆபரேட்டிங் சிஸ்டம்தான்.

கம்ப்யூட்டருடன் இணைந்துள்ள Monitor, Keyboard, Printer போன்ற ஹார்ட்வேர்களை நிர்வகித்து பணிகளை வாங்குவதும் இதன் முக்கியமான செயல்பாடுகளில் ஒன்று.

உதாரணமாக, கம்ப்யூட்டரில் நாம் கொடுக்கும் இன்புட்களை கவனித்து, அந்த இன்புட்களுக்கான அவுட்புட் என்ன என்பதை திரையில் காட்டும் செயல்களை செய்கிறது ஆபரேட்டிங் சிஸ்டம்.  அதுமட்டுமல்ல...இது கம்ப்யூட்டரில் பல்வேறு பணிகளை நிர்வகிக்கிறது.

ஆபரேட்டிங் சிஸ்டத்தின் முதன்மை நிர்வாக பணிகள்

1. நினைவக மேலாணமை

2. பணி மேலாண்மை

3. கோப்பு மேலாண்மை

4. உள்ளீடு மற்றும் வெளியீடு மேலாண்மை

ஆபரேட்டிங் சிஸ்டத்தின் புத்திசாலித்தனம்:

நீங்கள் பயன்படுத்தும் கணினியில் உள்ள நினைவகத்தின் அளவை அறிந்துகொண்டு, அதற்கேற்றார்போல அதைப் பயன்படுத்திக்கொள்ளும். குறிப்பாக ஆப்பரேட்டிங் சிஸ்டம் நினைவகத்தில் தங்குவதற்கான இடம், அப்ளிகேஷன் மென்பொருகள் இருப்பதற்கான இடம், தட்டச்சிடுகிற விவரங்கள் இருக்கும் இடம், Disk-ல் கோப்புகளைப் படிக்கும்போது அதனுடைய விபரங்களை வைக்க வேண்டிய இடம் ஆகியவற்றை இதுவே தீர்மானிக்கிறது.

மல்டி டாஸ்க் - Multi Task

தற்பொழுது உபயோகத்தில் உள்ள அனைத்து ஆபரேட்டிங் சிஸ்டத்திலும் இந்த மல்டி டாஸ்க் அமைப்பு உள்ளது. மல்டி டாஸ்க் அமைப்பு என்பது கணினியில் ஒரே நேரத்தில் பல்வேறு அப்ளிகேஷன்களைத் திறந்து பணிபுரிவதாகும். உதராணமாக எம்எஸ் வேர்ட், போட்டோஷாப், எக்செல், இணைய உலவுவதல் (Browsing) போன்ற பல்வேறு புரோகிராம்களைத் திறந்து அதில் பணிபுரிவதைக் குறிப்பிடலாம்.

இவ்வாறு பல்வேறு புரோகிராம்கள் செயல்பாட்டில் இருக்கும்போது அவை ஒன்றுக்கு ஒன்று பிரச்னையில்லாமல், சீராக இயங்குவதற்கு வழிவகை செய்து கொடுப்பது ஆபரேட்டிங் சிஸ்டம்..

அதாவது வாய்க்காலில் ஓடும் நீரை , நான்கைந்து வயல்களுக்கு செல்லும் வகையில் சரியான பாதைக்கு மடை திருப்புவதைப் போல என்று கூறலாம்.

வாய்க்கால் எங்கும் நீரை இடையில் உடைப்பு எடுக்காமல் பார்த்துக்கொள்வதைப் போல... இந்த புரோகிராம்கள் ஒன்றுக்கொன்று குழப்பிக்கொள்ளாமல் (Crash & Clash) தன்னுடைய பாதையில் செயல்படும்படிச் செய்வது இந்த ஆபரேட்டிங் சிஸ்டமே..!

கோப்பு நிர்வாகம்: (File Management )

நீங்கள் உங்கள் கணினியில் உருவாக்கும் கோப்புகள், மற்றும் நீங்கள் பயன்படுத்தும் அப்ளிகேஷன்களுக்கான கோப்புகள், அவற்றிற்கான கோப்புறைகள் போன்றவற்றையும் இயங்குதளமே பராமரிக்கிறது. நீங்கள் கோப்புகளின் மீது செயல்படுத்தும் அனைத்து வேலைகளுமே ஆபரேட்டிங் சிஸ்டத்தால் நடத்தப்படுபவைதான். 

உதாரணமாக கோப்பு ஒன்றை அழிக்கிறீர்கள் என்றால் அதை சரியான அழிப்புச் செயலாக மாற்றுவது ஆபரேட்டிங் சிஸ்டம்தான். 

நீங்கள் கொடுக்கும் கட்டளைகளைப் புரிந்துகொண்டு, Delete கொடுத்தால் தேர்ந்தெடுக்கப்பட்ட அந்த கோப்பு அளிக்கபட வேண்டும்  என புரிந்துகொண்டு அந்த செயலைச் செய்கிறது. 

அதுபோல நீங்கள் கோப்புகளை நகர்த்துதல், கோப்புகளை ஓரு கோப்புறையிலிருந்து மற்றொரு கோப்புக்கு கொண்டு செல்லுதல், காப்பி செய்தல் , அந்த கோப்புகளுக்கு பெயர்மாற்றம் செய்தல் போன்ற செயல்களையும் செய்வதும் ஆப்பரேட்டிங் சிஸ்டமே.

ஒரு குறிப்பிட்ட பணியை இரண்டு பகுதிகளாப் பிரித்து இரு cpu க்களிடம் கொடுத்து அந்த வேலையை முடிக்கச் செய்யும் ஆற்றலையும் பெற்றுள்ளது operating system.

கோப்புகளை உருவாக்கி அதைச் சேமிக்கும்பொழுது அது சேமிக்கப்படும் நேரம், தேதி, கிழமை ஆகியவற்றை குறிப்பதும், கோப்புகளை மறைக்க, கோப்புகளை படிக்க என்கிற Hidden, Readonly பண்புகளை கொடுக்கும்பொழுது அவற்றை மேற்கொள்வதும், 

ஒரு குறிப்பிட்ட கோப்பின் பெயரை அதே வகையான கோப்பிற்கு பெயரை அதே பெயரைக் கொடுக்கும்பொழுது ஏற்றுக்கொள்ளாமல் செய்வதும் ஆப்பரேட்டிங் சிஸ்டம் செய்யும் வேலைகள்தான்.

ஆக, கணினியில் நீங்கள் எந்த ஒரு பணியை மேற்கொள்ளும்பொழுதும், அதற்கான அடிப்படைச் செயல்களைச் செய்வதும், வகுத்துக் கொடுப்பதும் கண்ணுக்குத் தெரியாத இந்த ஆப்பரேட்டிங் சிஸ்டம் தான். 

அதனால்தான் இதனை இயங்குதளம் என்கிறோம். இதன் மீதுதான் மற்ற அனைத்து அப்ளிகேஷன்களும் இயங்குகின்றன. கம்ப்யூட்டருக்கு தேவையான ஒரு இயக்க மென்பொருள் ஆப்பரேட்டிங் சிஸ்டம் என்றால் அது மிகையாது. அவனின்றி அணுவும் அசையாது என்பது போல, ஆபரேட்டிங் சிஸ்டம் இன்றி எந்த ஒரு  கம்ப்யூட்டரும் இயங்க முடியாது.

லேப்டாப் பேட்டரி நீண்ட நாள் உழைக்க

லேப்டாப் பேட்டரி நீண்ட நாள் உழைக்க

டெஸ்க் டாப் கம்ப்யூட்டர்களைக் காட்டிலும், லேப் டாப் கம்ப்யூட்டர்களின் எண்ணிக்கையே, இப்போது அதிகம் பயன்பாட்டில் உள்ளன. 

பள்ளிகள் மற்றும் கல்லூரிகளில் மாணவர்களுக்கு அரசே லேப் டாப் கம்ப்யூட்டரை வழங்குவதனால், நம் அன்றாட வாழ்வின் ஓர் அங்கமாக லேப்டாப் இடம் பிடித்துள்ளது.

லேப் டாப் கம்ப்யூட்டர் ஒன்றின் பேட்டரி, அதன் செயல்பாட்டில் முக்கிய இடம் வகிக்கிறது. இதனைப் பயன்படுத்தும் வழிகளைச் செம்மைப் படுத்தும் சில குறிப்புகளை இங்கு காணலாம்.

நீங்கள் பேட்டரி பவரில் லேப்டாப் கம்ப்யூட்டரைப் பயன்படுத்துவதாக இருந்தால், எந்த அளவிற்கு கம்ப்யூட்டரின் ப்ராசசர் அதிகம் பயன்படுத்தப்படுகிறதோ, அந்த அளவிற்கு, பேட்டரியின் மின் சக்தி விரைவில் தீர்ந்துவிடும் என்பதனை உணர்ந்திருப்பீர்கள். 

அதற்காக, நாம் லேப்டாப்பில் மேற்கொள்ளும் பணிகளைக் குறைத்துக் கொள்ள முடியாது. இந்நிலையில், நாம் விண்டோஸ் சிஸ்டத்திடம், ப்ராசசரின் செயல்பாட்டின் தீவிரத்தினை எந்த அளவிற்கு அனுமதிக்கலாம் என்பதனை செட் செய்திடலாம். 

இது கம்ப்யூட்டர் செயல்பாட்டின் வேகத்தினைச் சற்றுக் குறைக்கலாம். எனவே, முதலில் சோதனை அடிப்படையில், இதனை முதலில் பார்க்கலாம்.

முதலில், லேப்டாப் கம்ப்யூட்டரை மின்சார இணைப்பிலிருந்து நீக்கவும். ஸ்டார்ட் பட்டன் கிளிக் செய்து, power options என டைப் செய்திடவும். அடுத்து என்டர் செய்திடவும். தொடர்ந்து கிடைக்கும் விண்டோவில், current plan அடுத்து, 'Change plan settings' என்பதில் கிளிக் செய்திடவும். 

அடுத்து 'Change advanced power settings' என்பதில் கிளிக் செய்திடவும். கிடைக்கும் விண்டோவில், 'Processor power management என்பது வரை கீழாகச் செல்லவும். இந்த ஆப்ஷனை விரித்து, Maximum processor state' என்ற ஆப்ஷனைத் தேடிக் காணவும். 

இங்கு எப்போதும் 100% என்ற நிலையில் இருக்கும். இதனைக் குறைத்து அமைக்கவும். பின் ஓகே கிளிக் செய்து வெளியேறவும். 

நீங்கள் அமைத்தது சரியாக வரவில்லை என்றால், அதன் அடிப்படையில் விண்டோஸ் இயக்கம் முழுமையாக இல்லை எனில், பவர் ஆப்ஷன்ஸ் விண்டோவிற்கு மீண்டும் சென்று, மாறா நிலைக்கு மாற்றும்படி தேர்ந்தெடுத்து அமைக்கவும்.